काठमाडौं । सेयर बजार ओरालो गतिमा लागेको छ । साताको सुरुवाती कारोबार दिन आज (आइतबार) बजार परिसूचक ११ दशमलव ४६ अंकले ओरालो लागेर १,९२६ दशमलव २८ विन्दुमा खुम्चिएको छ । यस्तै सेन्सिटिभ इन्डेक्स दुई दशमलव एक अंकले ओरालो लागेर तीन सय ७४ दशमलव ७३ विन्दुमा झरेको छ ।
यसदिन १३ उपसमूहअन्तर्गत २२१ कम्पनीको सेयर खरिद-बिक्री भएका छन् । जसबाट २० हजार एक सय २४ पटकको कारोबारमा २५ लाख २४ हजार दुई सय २४ कित्ता सेयर खरिद-बिक्री भएका छन् । सोही खरिद-बिक्रीका आधारमा आइतबार कुल कारोबार रकम ७४ करोड ७२ लाख २६ हजार ६ सय २५ रुपैयाँ पुगेको छ ।
नेप्सेमा आइतबार कारोबार भएका कुल उपसमूहमध्ये अन्य उपसमूहको सूचक चार दशमलव सात अंकले उकालो लागेर १४ सय दुई दशमलव ९१ विन्दुमा चढेको छ । बाँकी उपसमूहको सूचक ओरालो लागेका छन् ।
