काठमाडौं । पिपुल्स हाइड्रोपावर लिमिटेडले निष्कासन गरेको आईपीओमा आजसम्म आवेदन दिन सकिनेछ । कम्पनीले आयोजना प्रभावित क्षेत्रका बासिन्दाका लागि जारी पुँजी ३ अर्ब २० करोड रुपैयाँको १० प्रतिशतले हुन आउने प्रतिकित्ता १०० अंकित मूल्यका ३२ लाख कित्ता आईपीओ निष्कासन गरेको हो ।
उक्त आईपीओमध्ये आयोजना अति प्रभावित क्षेत्र लमजुङको दोर्दी गाँउपालिका ९, तत्कालीन ढोढेनी र फलेनी गाविसका वडा नं. ६ र ७ का बासिन्दाका लागि ३० प्रतिशत अर्थात् ९ लाख ६० हजार कित्ता र लमजुङका बासिन्दाका लागि ७० प्रतिशत अर्थात् २२ लाख ४० हजार कित्ता सेयर बाँडफाँड गरिनेछ ।
लगानीकर्ताले न्यूनतम १० कित्तादेखि अधिकतम १ लाख कित्ता सेयरका लागि आज बैंकिङ समयसम्म आवेदन दिने सक्नेछन् । लगानीकर्ताले उक्त आईपीओमा ग्लोबल आईएमई बैंकको दोर्दी र भोर्लेटार शाखा तथा हिलेको एक्टेन्सन काउन्टर, एनएमबि बैंकको भोटेओडार शाखा, सिद्धार्थ बैंकको बेंसीसहर शाखा र सिभिल बैंकको भुलभुले शाखा कार्यालयबाट समेत आवेदन दिन सकिने व्यवस्था छ । कम्पनीको आईपीओ निष्कासन तथा बिक्री प्रबन्धकमा सानिमा क्यापिटल लिमिटेड रहेको छ ।
