काठमाडौं, ६ पुस । मंगलबार नेपाली बजारमा सुनको मूल्य घटेको छ। सोमबार छापावाल सुन प्रतितोला ९३ हजार ८ सय रुपैयाँमा कारोबार भएको थियो भने मंगलबार ८ सय रुपैयाँले घटेर प्रतितोला ९३ हजार रुपैयाँ कायम भएको नेपाल सुनचाँदी व्यवसायी महासंघले जानकारी दिएको छ।
महासंघका अनुसार मंगलबार छापावाल सुनप्रति १० ग्राम ७९ हजार ७ सय ३५ रुपैयाँ कायम भएको छ। त्यसैगरी, तेजाबी सुन प्रतितोला ९२ हजार ५ सय रुपैयाँ कायम भएको छ। त्यस्तै, तेजाबी सुन प्रति १० ग्राम ७९ हजार ३ सय ५ रुपैयाँ कायम भएको महसंघले जनाएको छ।
मंगलबार चाँदीको मूल्य पनि तोलामा १० रुपैयाँले घटेको छ । मंगलबार चाँदीको मूल्य प्रतितोला १ हजार २ सय ३५ रुपैयाँ कायम भएको छ। सोमबार चाँदी प्रतितोला १ हजार २ सय ४५ रुपैयाँ कायम भएको थियो। त्यस्तै, चाँदीको मूल्य प्रति १० ग्राम १ हजार ५९ रुपैयाँ कायम भएको महसंघले जनाएको छ।
