१ कार्तिक,सुर्खेत । सुदूरपश्चिम प्रदेश सरकारले प्रदेश विपद् व्यवस्थापन कोषमा २५ करोड रुपैयाँ वजेट विनियोजन गर्ने भएको छ ।
बर्षका कारण आएको बाढी र पहिरो प्रभावितलाई तत्काल उद्दार, राहत र परिचालनका लागि बजेट दिने निर्णय गरेको प्रदेश सरकारका प्रवक्ता तथा आन्तरिक मामिला तथा कानुन मन्त्री पूर्णा जोशीले बताइन्।
मंगलबार साँझ मुख्यमन्त्री त्रिलोचन भट्टले आकस्मिक बैठक बोलाएका थिए । बेठकले दुइटा निर्णय गरेको छ । मन्त्री जोशीले बताइन्।
मन्त्री जोशीका अनुसार प्रदेश सरकारको ९ वटै जिल्लालाई तत्कालका लागि २५ लाख उपलब्ध गराउने जसबाट प्रत्येक जिल्लामा प्रहरी र सशस्त्र प्रहरीलाई ५ / ५ लाख रुपैयाँ र नौ वटै जिल्ला प्रशासनलाई १५ / १५ लाख रुपैयाँ रकम दिइने छ ।
अहिले तत्कालका लागि खोजी उद्दार र परिचालनमा यो बजेट खर्च हुनेछ, आवश्यक परे प्रदेश सरकारले थप बजेट दिने मन्त्री जोशी बताईन् । प्रदेश सरकारले संघ र स्थानीय सरकार सँगको समन्वय, सुरक्षा संयन्त्र सहितसँगको सहकार्यमा यो विपद्का बेला काम गर्ने मन्त्री जोशीले बताइन्।
