२ कात्तिक, धनगढी । बैतडीमा पहिरोले घर पुरिदा तीन जनाको मृत्यु भएको छ ।
अविरल वर्षासँगै घर माथिबाट आएको पहिरोमा पुरिएर शिवनाथ गाउँपालिका–६ मा एक बालक सहित तीन जनाको मृत्यु भएको शिवनाथ गाउँपालिकाकी उपाध्यक्ष कुस्मा चन्दले बताइन् ।
मृत्यु हुनेमा स्थानीय भालु पार्कीका बुहारीद्धय १८ वर्षीया पवित्रा पार्की र २४ वर्षीया भानु पार्की तथा तीन वर्षीया नाती सोम पार्की रहेको उपाध्यक्ष चन्दले बताइन् ।
उनीहरुको मंगलबार करिब तीन बजेको समयमा पहिरोमा पुरिएर मृत्यु भएको भएपनि फोन सम्पर्क नहुँदा ढिलो गरेर खबर प्राप्त भएको उपाध्यक्ष चन्दले बताइन् । घटना स्थल पुगेको प्रहरी टोलीले तीनै जनाको शव निकालेर परीक्षणका लागि अस्पताल पठाएको जिल्ला प्रशरी कार्यालय बैतडीले जनाएको छ । ।
