काठमाडौं, १९ माघ । पछिल्लो २४ घण्टामा नेपालभर तीन हजार छ सय ३७ जना नयाँ कोरोना संक्रमित थपिएका छन् ।
नेपालभर ११ हजार पाँच सय ८२ जनाको नमुना परिक्षण गर्दा तीन हजार छ सय ३७ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।
छ हजार चार सय ९९ को पिसिआर परिक्षणका क्रममा दुई हजार दुई सय पाँच जनामा र पाँच हजार ८३ जनाको एन्टीजेन परिक्षणका क्रममा एक हजार चार सय ३२ जनामा कोरोना संक्रमण पुष्टि भएको हो ।
पछिल्लो २४ घण्टामा सात हजार पाँच सय ५५ कोरोना संक्रमित निको भएका छन् । त्यस्तै कोरोनाको कारण २४ घण्टामा १२ जनाको मृत्यु भएको मन्त्रालयले जनाएको छ । हाल नेपाल सक्रिय कोरोना संक्रमितको संख्या ६९ हजार दुई ९१ रहेको छ ।
