काठमाडौं, ५ भदौ । नेपाली बजारमा आज (बुधबाार) सुनको मूल्यले पुनः नयाँ रेकर्ड कायम गरेको छ । दुई दिन घटेको सुनको मूल्य आज हालसम्मकै उच्च विन्दुमा पुगेको हो ।
यसदिन सुनको मूल्य एकैपटक तोलामा ८ सय रुपैयाँ बढेको छ । छापावाला सुनको मूल्य प्रतितोला १ लाख ५३ हजार रुपैयाँमा खरिदबिक्री भइरहेको नेपाल सुनचाँदी व्यवसायी महासंघले उल्लेख गरेको छ ।
अघिल्लो दिन छापावाला सुनको मूल्य प्रतितोला १ लाख ५२ हजार २ सय रुपैयाँमा खरिदबिक्री भएको थियो । यसअघि भदौ २ गते सुनको मूल्य हालसम्मकै उच्च भएको थियो । त्यसदिन छापावाला सुनको मूल्य प्रतितोला १ लाख ५२ हजार ६ सय रुपैयाँ थियो ।
चाँदीको मूल्य पनि अघिल्लो दिनको तुलनामा बढेको छ । चाँदीको मूल्य तोलाको १ हजार ८ सय ३५ रुपैयाँमा कायम भएको छ । मंगलबार यसको मूल्य प्रतितोला १ हजार ८ सय २० रुपैयाँ कायम थियो ।
