सुर्खेत, ६ भदौ । हुम्लाको चंखेली गाउँपालिका–२ गौरीसल्लामा भएको जिप दुर्घटनाका घाइते मध्ये एक जनाको मृत्यु भएको छ । २४ वर्षीय रमेश मल्लको उपचारका क्रममा सुर्खेतस्थित कर्णाली प्रदेश अस्पतालमा मृत्यु भएको प्रहरीले जनाएको छ ।
बुधबार बिहान गौरीसल्लामा भएको जिप दुर्घटनाका गम्भीर घाइते चार जनालाई सिम्रिक एयरको हेलिकप्टोरमार्फत प्रदेश अस्पताल ल्याइएको थियो । कर्णाली प्रदेश प्रहरी कार्यालयका अनुसार गौरीसल्लाबाट देउली बजारतर्फ जाँदै गरेको कर्णाली प्रदेश २००च०९२२ नम्बरको जिप दुर्घटना भएको थियो ।
दुर्घटनामा घाइते भएका ७ जनामध्ये चंखेली गाउँपालिका–२, सुरेन्द्रबहादुर शाही, तिलबहादुर शाही र छायानाथ रारा नगरपालिका–१३, का रमेश मल्ल, र पृथ्वी रावतलाई थप उपचारका लागि सुर्खेत ल्याइएको थियो । मृतक रावल जिपका मालिक हुन् ।
