बाँके, मंसिर १ ।
नेकपा एमालेका अध्यक्ष केपी शर्मा ओलीले आगामी निर्वाचनमा गठबन्धनबिना आउन चुनौती दिनुभएको छ ।
बाँकेमा बुधबार कार्यकर्ता भेलालाई सम्बोधन गर्दै अध्यक्ष ओलीले गठबन्धनमा रहेका सबै दललाई एक्ला एक्लै एमालेसँग भिड्न चुनौती दिनुभएकाे हाे ।
यस्तै, उहाँले एमाले आगामी निर्वाचनबाट बहुमतका साथ प्रमुख दल बन्ने र सरकारको नेतृत्व एमालेले नै गर्ने दाबी गर्नुभयो ।
‘अब चुनावमा हामी बहुमतका साथ सबैभन्दा ठूलो पार्टी बन्छौँ,’ ओलीले भन्नुभयो- ‘हामीले एकल बहुमतका साथ एकल सरकारको नेतृत्व गर्ने छौँ ।’
ओलीले एमालेबाहेक अन्य सबै पार्टीलाई सिद्धान्तविहीन पार्टीका रूपमा अर्थ्याउनुभयो । अन्य दलहरु विचारविहीनताको अवस्थामा जवरजस्ती चलेको समेत उहाँको भनाइ छ ।
