काठमाडौँ, २५ चैत । पत्रकार एवं धार्मिक अभियन्ता एनी कुँवर पक्राउ परेकी छन् ।
तीनकुनेको एक घरमा भएको आगजनीको विषयमा अनुसन्धान गर्न प्रहरीले उनलाई आज पक्राउ गरेको हो ।
सामाजिक सञ्जालमा सार्वजनिक भएको एक भिडियोमा उनी आगजनी भएको घरको भर्याङबाट ओर्लिरहेको देखिएकी थिइन् ।
उक्त घरमा नै पत्रकार सुरेश रजकको जलेर मृत्यु भएको थियो ।
कतिपयले घटनामा उनको संलग्नता हुन सक्ने आशंका गरिरहेका छन् । उनले भने आफूले त्यसबेला सुरेशलाई नदेखेको दाबी गरेकी थिइन् ।
एसपी अंगुर जिसीले अर्काको घरमा अनधिकृत प्रवेश गरेको पुष्टि भएकाले कुँवरलाई निर्दोष मान्न नसकिने बताउनुभयो।
काठमाडौँ उपत्यका अपराध अनुसन्धान कार्यालय टेकुबाट खटिएका प्रहरीले उनलाई पक्राउ गरेको हो ।
