काठमाडौं । प्रमुख सत्तारुढ दल नेपाली कांग्रेसले आज दिउँसो ३ बजे पत्रकार सम्मेलन गर्ने भएको छ । पार्टी केन्द्रीय कार्यालय सानेपमा पत्रकार सम्मेलन आयोजना गरिएको पार्टी प्रवक्ता डा. प्रकाशरण महतले जानकारी दिए ।
प्रवक्ता महतले गर्ने पत्रकार सम्मेलन शेखर कोइराला समूहको भेला, गठबन्धनमा भइरहेको छलफल, निर्वाचन तयारीलगायत विषय केन्द्रित हुने बताइएको छ ।
संस्थापनइतर पक्षले संस्थापन पक्षको नेतृत्व गरिरहेका देउवाले समानुपातिक सूचीमा एकलौटी गरेको आरोप लगाएको छ ।समानुपातिकतर्फ १० प्रतिशत मात्रै भाग पाएको भन्दै शेखर समूह विरोधमा उत्रिएको छ । शेखर समूहले असोज १६ भित्र समानुपातिक सूचीमा संशोधन गरेर ४० प्रतिशत भाग नदिए विद्रोह गर्ने चेतावनी नै दिएको छ ।
