इस्लामाबाद । पाकिस्तान पिपुल्स पार्टीका अध्यक्ष बिलावल भुट्टो जर्दारीले मंगलबार आफ्नो पार्टीले मुस्लिम लिग-नवाजको प्रधानमन्त्रीको उम्मेदवारलाई देशमा सरकार गठन सुनिश्चित गर्नका लागि मतदान गर्ने बताएका छन्। तर, उनले आफ्नो पार्टी सरकारमा नजाने स्पष्ट पारेका हुन् ।
उनले आफ्नो पार्टीलाई केन्द्र सरकारमा सामेल हुने कुनै चासो नभएको पनि बताए । पत्रकार सम्मेलनमा बिलावल भुट्टोले पिपुल्स पार्टीसँग सरकार गठन गर्ने जनादेश नभएकाले आफू प्रधानमन्त्रीको उम्मेदवार नरहेको बताए । उनले पीपीपी (पीएमएल-एनका लागि) ले महत्त्वपूर्ण अवसरहरूमा मुद्दाहरूको आधारमा मतदान गर्ने स्पष्ट पारे ।
भुट्टोले आफ्नो पार्टीले अन्य राजनीतिक दलसँग वार्ता गर्ने समिति गठन गरिरहेको बताए । बिलावल भुट्टोले भने, 'पाकिस्तानलाई संकटपूर्ण अवस्थाबाट बाहिर ल्याउनुपर्छ र देशमा स्थायित्व ल्याउनुपर्छ।’ भुट्टोले आफूले सरकार गठन हुने र पाकिस्तानमा फेरि चुनाव नहोस् भन्ने कुरा सुनिश्चित गर्ने बताएका छन् ।
