तेल अभिभ । इजरायलका प्रधानमन्त्री बेन्जामिन नेतन्याहुले हमाससँग चलिरहेको युद्ध समाप्त भएपछि गाजा प्रशासनको योजना प्रस्तुत गरेका छन् । यो योजना अनुसार इजरायलले गाजा पट्टीको सुरक्षा अनिश्चितकालसम्म आफ्नो हातमा राख्नेछ।
यद्यपि, अमेरिका भने वेस्ट बैंकको प्रशासनको निरीक्षण गर्ने प्यालेस्टिनी प्राधिकरण (पीए) लाई गाजा प्रशासनको जिम्मेवारी दिइयोस् भन्ने चाहन्छ । तर बेन्जामिन नेतान्याहुले हिजो राति आफ्ना मन्त्रीहरूलाई दिएको योजनामा पीएको कुनै उल्लेख गरिएको छैन। पीए अध्यक्ष महमूद अब्बासका प्रवक्ताले नेतान्याहुको योजना असफल हुने बताए।
योजनाअनुसार आवश्यक सार्वजनिक प्रशासन क्षमताहरू बाहेक इजरायलले गाजालाई पूर्ण रूपमा निशस्त्रीकरण गर्नेछ। भूमिगत तस्करी रोक्न इजिप्टसँगको सीमामा कडा सुरक्षा व्यवस्था गरिनेछ ।
इजरायलले जोर्डनको पश्चिममा जल, जमिन र हवाई क्षेत्रको नियन्त्रण गर्नेछ। जनतालाई कट्टरपन्थीबाट टाढा लैजान सबै धार्मिक, शैक्षिक तथा कल्याणकारी संस्थामा कार्यक्रम सञ्चालन गरिनेछ ।
अक्टोबर ७ मा इजरायलमा हमासको हमलापछि इजरायलको सैन्य कारबाही सुरु भएदेखि युद्धपछि गाजा प्रशासनसँग सम्बन्धित योजना खुलाउन नेतान्याहुमाथि दबाब बढेको छ ।
