गाजा । गत ७ अक्टोबरबाट सुरु भएको यो हिंसात्मक चरणले प्यालेस्टिनी जनतालाई तहसनहस बनाएको छ। खाद्य तथा कृषि सङ्गठन (एफएओ)का अनुसार गाजाका चारमध्ये एक घरपरिवारले खाद्यान्न असुरक्षा वा अनिकालको सामना गरिरहेका छन् ।
जङ्गलमा पाइने बिरुवा धेरै पौष्टिक नहुने र बिक्री बढेसँगै मूल्य पनि ह्वात्तै बढेको स्थानीयको भनाइ छ । युद्ध अघि, मानिसहरूले यी जंगली बोटबिरुवाहरू सित्तैमा काट्न र खान सक्थे, जसलाई स्थानीय रूपमा 'खुबिजेह' भनेर चिनिन्छ ।
तर खाद्यान्नको मौज्दात घट्दै गएपछि उनीहरु आफ्नो परिवारको भोक मेटाउन यो सेउला किन्न बाध्य छन् । एफएओका अनुसार गाजा पट्टीको ४६ प्रतिशतभन्दा बढी खेतीयोग्य जमिन नष्ट भएको छ र ९७ प्रतिशत पानी मानव उपभोगका लागि अयोग्य छ।
UNRWA को रिपोर्ट अनुसार गाजा स्ट्रिपमा आउने सहायता सामग्रीले जनसंख्याको आवश्यकताको 3% मात्र पूरा गर्दछ।
युद्ध अघि, मानवीय आपूर्तिका 500 ट्रक हरेक दिन गाजा प्रवेश गर्थे। आज यो संख्या औसत ९८ ट्रकमा घटेको छ।
संयुक्त राष्ट्रसंघले जनवरी २३ देखि गाजाको उत्तरी क्षेत्रमा कुनै पनि सहायता पुर्याउन सकेको छैन।
यहाँ भोकमरीको अवस्था सिर्जना भएको छ र मानिसहरू बाँच्नको लागि जनावरको चारामा भर पर्न बाध्य छन्।
उत्तरी गाजामा सहायताका निम्ति तयार पारिएको टेन्टहरू निरन्तर आगोमा परेका छन् र इजरायली अधिकारीहरूले यहाँ प्रवेश गर्नबाट रोकेका छन्।
