दाङ, २३ भदौ । वैदेशिक रोजगारीको सिलसिलामा मलेसिया गएका दाङका एक व्यक्तिको घर फर्कने क्रममा मृत्यु भएको छ । मृत्यु हुनेमा तुलसीपुर उपमहानगरपालिका-११ बेलगनारका ४३ वर्षीय रुपलाल चौधरी रहनु भएको छ ।
रोजगारीको शिलशिलामा विगत ४ वर्षदेखि मलेसियामा रहेका चौधरीको आइतबार घर फर्कने क्रममा कुवालालम्पुर एयरपोर्टमा मृत्यु भएको हो
रुपलाल नेपाल फर्कनका लागि बोर्डिङ पास लिएर फ्लाइटको प्रतीक्षामा एयरपोर्टमा बसिरहेको बेला अचानक लड्नु भएको थियो । उहाँको मृत्यु हृदयघातबाट भएको हुनसक्ने पारिवारिक स्रोतले बताएको छ ।
