युनिभर्सल युनाइटेड नेप्लीज तेक्वान्दो महासंघ (अन्टीएफ)को चौथो महासभाको सम्पूर्ण तयारी पुरा भएको छ ।
सेप्टेम्बर १४, २०२४ मा लस एन्जलसमा आयोजना हुने महासभाको सम्पूर्ण तयारी पुरा भएको जनाइएको छ । महासभामा विश्वभरका तेक्वान्दो खेलाडीहरू, प्रशिक्षकहरू, र नेतृत्वकर्ताहरू सहभागी हुने महासंघका कार्यक्रम संयोजक अमृत महतोले जानकारी दिए ।
महासभामा तेक्वान्दोलाई विश्वव्यापी कसरी अघि बढाउने भन्ने विषयमा छलफल गरिनुको साथै नयाँ कार्यसमिति चयन गरिने समेत उनले बताए । कार्यक्रमलाई सफल बनाउन सबै तयारी पुरा भएको छ, बिहान स्थानीय पशुपति मन्दिरमा छलफल हुन्छ र नयाँ कार्यसमितिका लागि निर्वाचन गर्ने अनि बेलुकी हिमालयन ग्रिल रेस्टूरेण्टमा हस्तातरण गरिने कार्यक्रम छ, उनले भने ।
त्यसैगरी संस्थामा बढी योगदान दिने व्यक्तिहरुलाई सम्मान गरिने कार्यक्रम रहेको उनले बताए । सहभागीहरूलाई स्वागत र कार्यक्रम सफल बनाउन स्थानीय संघसंस्था, व्यक्तिहरुसँग समन्वय भइरहेको महतोले बताए ।
