सेसेल्स २ असोज । पूर्वी अफ्रिकी मुलुक सेसेल्समा पहिलो पटक नेपाली कविता प्रतियोगिता तथा साहित्य रचना वाचन कार्यक्रम हुँदैछ । रचनाहरु आएपछि अनलाइन मार्फत प्रतियोगिता हुने भएको छ । उत्कृष्ट रचना वाचन गर्ने तीन जनालाई यही आउँदो अक्टोरब ६ तारिखमा कार्यक्रमको आयोजना गरि पुरस्कार वितरण गरिने भएको छ ।
गैरआवासीय नेपाली संघ सेसेल्सको आयोजनामा बडा दशैंको अवसर पारेर नेपाली कविता प्रतियोगिता तथा साहित्य रचना वाचन कार्यक्रम राखकोे हो । प्रतियोगितामा सहभागीहरुलाई पुरस्कार तथा प्रमाणपत्र वितरण गरिने आयोजकले जनाएको छ । नेपाली भाषा-साहित्यको सम्बर्द्धन, प्रवर्द्धन र उन्नयनको उद्देश्यका साथ हुने प्रतियोगितामा उत्कृष्ट तीनजनालाई पुरस्कार तथा सहभागी सम्पूर्णलाई प्रसंशापत्र प्रदान गरिने भएको छ ।
साथै प्रतियोगितामा प्राप्त हुन आएका प्रतियोगी तथा अप्रतियोगी सम्पूर्ण रचनाहरुलाई अन्तर्राष्ट्रिय नेपाली साहित्य समाज अफ्रिका महादेशीय च्याप्टरको साहित्यक पुस्तक (किलिमन्जारो) मा प्रकाशन गरिने पनि आयोजकले जनाएको छ । प्रतियोगिताको लागि रचना पठाउन ई-मेल तथा वाट्सएप नम्बर राखिएको छ भने सूचना एनआरएनए सेसेल्सको आफ्नो अफिसियल फेसबुक पेजमा पनि राखेको छ ।
