रुकुम १० पुस । रुकुमपश्चिमको मुसीकोट नगरपालिका झोलुङ्गे पुलबाट हाम फालेका एक युवकको मृत्यु भएको छ ।
मृत्यु हुनेमा रुकुम पूर्वको सिस्ने गाउँपालिका –७ नाथिगार घर भई हाल मुसिकोट खलङ्गा बस्ने २७ वर्षीय लक्ष्मण नेपाली रहेको प्रहरीले जनाएको छ । बुधबार दिउँसो पुलबाट हाम फालेका नेपालीको घटनास्थलमै मृत्यु भएको हो ।
पुलबाट हाम फालेका नेपालीको शव पुलमुनि फेला परेको र मुचुल्का बनाउने काम भइरहेको प्रहरीले जनाएको छ । घटनास्थल मुचुल्कापश्चात् मृतकको शव पोष्टमार्टमका लागि जिल्ला अस्पताल सल्ले पठाइने बताइएको छ । घटनाको थप अनुसन्धान सुरु भएको प्रहरीले जनाएको छ ।
