काठमाडौं, १७ पुस / देशभरका विभिन्न स्थानमा पाँच जना मृत अवस्थामा फेला परेको प्रहरीले जनाएको छ । प्रहरीका अनुसार बुढानिलकण्ठ नगरपालिका-५ टुसालस्थित आफ्नै निर्माणाधीन घरमा दोलखा घर भएका ६६ वर्षीय तिलक बहादुर श्रेष्ठ मृत अवस्थामा फेला परेका हुन् ।
त्यसैगरी कैलालीको गोदावरी नगरपालिका-२ तेधरी निवासी ४६ वर्षीय मनोज भट्ट आफ्नै घरमा मृत अवस्थामा फेला परेको प्रहरीले जनाएको छ । त्यस्तै पोखरा महानगरपालिका १६ देउराली डाँडा निवासी ६२ वर्षीय गोबिन्द दमै सोही ठाउँको पहिरा वन सामुदायक जंगल नजिकै मृत अवस्थामा फेला परेका छन् । उता ललितपुर महानगरपालिका ४ धोवीघाट निवासी बर्दिया घर भएकी १८ वर्षीया सिम्रन थारू आफ्नै कोठामा मृत अवस्थामा फेला परेको प्रहरीले जनाएको छ ।
पर्साको वीरगंज महानगरपालिका-१६ स्थित नेपाल भारत सिमाना मितेरी पुल नजिकै नाम, थर, वतन नखुलेका अन्दाजी ६० वर्षीय पुरूष मृत अवस्थामा फेला परेको पनि प्रहरीले बताएको छ । यस सम्बन्धमा प्रहरीले आवश्यक अनुसन्धान गरिरहेको छ ।
