तेस्रो आँखा
काठमाडाैं,१७ चैत्र । प्रधानमन्त्री तथा नेपाली काँग्रेसका सभापति शेरबहादुर देउवाले नेपाली काँग्रेस गठबन्धनको पक्षमा दृढ रहेको बताएका छन् । काँग्रेसको केन्द्रीय समिति बैठकले नै गठबन्धन कायम राख्ने निर्णय गरेको भन्दै काँग्रेसले स्थानीय चुनावमा वर्तमान सत्ता गठबन्धनसँगै चुनावी तालमेल गरेर जाने प्रधानमन्त्री देउवाले बताए ।
‘कांग्रेस गठबन्धनको पक्षमा रहेकोमा दुइमत छैन’, देउवाले भने,‘ हाम्रो पार्टीले गठबन्धनलाई सँगै लाने निर्णय गरेको छ । यसमा कुनै दुई मत छैन ।’ । उनले काँग्रेस गठबन्धनको विपक्षमा कुनै हालतमा जान नसक्ने पनि बताए ।‘हाम्रो पार्टी कुनै पनि हालतमा गठबन्धनको विपक्षमा छैन’, देउवाले गठबन्धन अझ एकतावद्ध बनाएर लैजान प्रतिवद्ध रहेको दावी गरे । हामी अझ बढी एकतावद्ध भएर अघि बढ्छौ’, उनले भने । अप्ठेराहरुलाई फुकाउने र मिलाउने काम प्रधानमन्त्रीको भएको भन्दै अप्ठेरासँग भाग्ने नमिल्ने देउवाले बताए ।
