काठमाडौं, १७ चैत्र । लोकतान्त्रिक समाजवादी पार्टी (लोसपा) कार्यकारिणी समितिले आवश्यकताअनुसार चुनावी गठबन्धन गर्ने भएको छ ।
समितिको बिहिबार सम्पन्न बैठकले आवश्यकताअनुसार कुनै पनि दलसँग गठबन्धन गर्न सकिने निष्कर्ष निकाले हो । बैठकले गठबन्धनसम्बन्धी निर्णय केन्द्रले मात्र होइन स्थानीय तहले पनि अवाश्यकताको आधारमा गर्न सक्ने निर्णय गरेको छ ।
बुधबारबाट सुरु भएकाे लोसपा बैठक आज बिहीबार सकिएको छ ।
बैठकमा पार्टी अध्यक्ष महन्थ ठाकुरले जुनसुकै समयमा पनि बैठक बस्नुपर्ने भएकाले राजधानी काठमाडौं चैत मसान्तसम्म नछाड्न कार्यकारिणी सदस्यहरूलाई निर्देशन दिएका छन् ।
