दाङ, भदौ २३ गते । अघिल्लो वर्षको भदौ २३ र २४ गते भएको जेनजी आन्दोलनका क्रममा तुलसीपुर कारागारबाट भागेका ६४ जना कैदीबन्दी अझै फर्किएका छैनन् ।
आन्दोलनका क्रममा तुलसीपुर कारागारबाट तीनपटक गरी दुई सय ५३ जना कैदीबन्दी भागेका थिए । तीमध्ये एक सय ८८ जना पुनः कारागारमा फर्किएको कारागार कार्यालयका जेलर गिरबहादुर सिजवालले जानकारी दिनुभयो ।
उहाँका अनुसार केही कैदीबन्दी आफैँ कारागारमा फर्किएका थिए भने केहीलाई प्रहरीले पक्राउ गरेर ल्याएको थियो ।
भागेका कैदीबन्दीमध्ये ६४ जना अझै सम्पर्कमा नआएको र उनीहरूको खोजी कार्य भइरहेको जेलर सिजवालले बताउनुभयो ।
