काठमाडौं, १६ मंसिर । राष्ट्रपति विद्यादेवी भण्डारीले संघीय संसद्का दुवै सदनको अधिवेशन आह्वान गर्नुभएको छ । सरकारको सिफारिसमा राष्ट्रपतिले बिहीबार संघीय संसद्को अधिवेशन आह्वान गर्नुभएको हो ।
राष्ट्रपति कार्यालयका प्रवक्ता सागर आचार्यले मंसिर २८ गते दिउँसो १ बजे संघीय संसद्का दुवै सदनको अधिवेशन आह्वान भएको जानकारी दिनुभयो । राष्ट्रिपतिले संविधानको धारा ९३ को उपधारा (१) बमोजिम नेपाल सरकार,मन्त्रिपरिषद्को सिफारिसमा बैठक आह्वान गर्नुभएको हो ।
