उदयपुर । उदयपुरकाे लिम्चुङबुङ गाउँपालिकामा लोख्रिम भिरबाट जेसिवी पन्ध्र सय मिटर तल खसेर क्षति भएको छ । लिम्चुङबुङ गाउँपालिका वडा नं. ५ जातेबाट अवरुद्ध सडक खुलाउन जाँदै गरेकाे प्रदेश २–०२–००१ क ०२३८ नम्बरको जेसिवी दुर्घटना भउकाे हाे ।
सोही पालिकाको वडा नं. ३ बाराहा तर्फ जाँदै गरेको जेसिवी वडा नं. ५ को लोख्रिम भिर भन्दा माथिल्लो मोडबाट अनियन्त्रित भई खसेर क्षति भएको र जेसिवी भिरबाट खस्दा कुनै मानवीय क्षति भने नभएको इलाका प्रहरी कार्यालय लिम्चुङबुङले जनाएको छ ।
जेसिवी लोख्रिम भिर भन्दा माथिल्लो मोडबाट बलम्ता पटीको पाटो सडकदेखि पन्ध्र सय मिटर तल खसेको सवारी धनी मनोज बुढाथोकीले जनाए । जेसिवी कामै नलाग्ने गरी क्षति भएको सवारी धनी बुढाथोकीकाे भनाइ छ ।
