तेस्रो आँखा
काठमाडौं । बञ्चरेडाँडाबासीले आज (बिहीबार) पनि काठमाडौं उपत्यकाको फोहोर फाल्न अवरोध गरेका छन् । पक्राउ परेकालाई रिहाइ गर्न माग गर्दै स्थानीयले बिहानैदेखि फोहोर फाल्न अवरोध गरेका हुन् ।
नुवाकोट, धादिङ र काठमाडौंका प्रमुख जिल्ला अधिकारीहरु, ककनी गाउँपालिका र धुनवेशी नगरपालिकाका जनप्रतिनिधि र प्रहरी अधिकारीलगायत बसेर बुधबार मात्रै फोहोर फाल्न दिने सम्बन्धमा ४ बुँदे सहमति भएको थियो ।
तर सहमतिमा पक्राउ परेकालाई रिहाइ गर्ने विषय उल्लेख नभएपछि फोहोर फाल्न स्थानीय बासिन्दाले अवरोध गरेको जनाइएको छ । सरकारले सहमति गर्ने तर कार्यान्वयन भने नगरेको भन्दै बन्चरेडाँडाँका स्थानीयबासी आक्रोसित हुँदै आएका छन् ।
