काठमाडौं । सेयर बजार आज (मंगलबार) सामान्य मात्रै बढेको छ । दुई दिनसम्म लगातार घटेको सेयर बजार आज भने सामान्य बढेको हो । सेयरबजार परिसूचक नेप्से १ दशमलव ८५ अंकले बढेर २ हजार ५४ दशमलव ९८ विन्दुमा उक्लिएको छ ।
जीवन बीमा, लगानी समूह, बैंक, व्यापार, जलविद्युत् र उत्पादनको सेयर सामान्य बढेको नेप्सेले जनाएको छ । अरू समूहको सेयर भने सामान्य घटेको छ । यस्तै मंगलबार दुई सय २२ वटा कम्पनीका ४० लाख ३१ हजार कित्ता सेयरको किनबेच हुँदा १ अर्ब ३३ करोड ३५ लाख रुपैयाँ कारोबारको कारोबार भएको छ ।
