काठमाडौं । नेपाली सेना भर्ना छनोट निर्देशनालयले अधिकृत क्याडेट पदको लागि दरखास्त आह्वान गरेको छ ।
खुला तथा समावेशी प्रतिस्पर्धाबाट २२९ पदका लागि आवेदन आह्वान गरिएको हो । नेपाली सेनाका सन्तती ११, महिला २२, आदिवासी जनजाती ३०, मधेसी २८, दलित १४, पिछडिएको क्षेत्र ७ र बाँकी ११७ खुलाका लागि आवेदन आह्वान गरिएको हो ।
योग्यता पुगेका नेपाली नागरिकले नेपाली सेनाको आधिकारिक वेबसाइटबाट अनलाइन दरखास्त फाराम भरी सो को प्रिन्ट–आउटसहित स्वयम् उपस्थित भई तोकिएको भर्ना केन्द्रमा दरखास्त पेस गर्नुपर्नेछ ।
सार्वजनिक सूचनामा दरखास्त आज (भदौ ३१) गते देखि असोज २९ गतेसम्म दिन सकिने उल्लेख छ ।
