काठमाडौं । नेपाल मजदुर किसान पार्टीका सांसद प्रेम सुवालले संसद् देश र जनताको हितमा प्रभावकारी हुन नसकेको आरोप लगाएका छन् ।
शनिबारको संसद बैठकमा बोल्दै उनले सर्वोच्चबाट संसद पुनस्र्थापना भएपछि कतिपय अवस्थामा संसद्लाई दुरुपयोग गरिएको समेत आरोप लगाएका हुन् । मुलुकमा डेंगु रोगका कारण जनता पीडामा परिरहेको, तर त्यसतर्फ सरकारको उचित ध्यान जान नसकेको उनले बताए ।
यस्तै उनले मुलुकमा भूमि नहुनेलाई भूमि दिए मात्र भूमिसुधार हुने बताए । उनले भने,‘जोत्नेलाई भूमि दिए मात्र भूमिसुधार हुन्छ ।’
