काठमाडौं । नेकपा (माओवादी केन्द्र) को पदाधिकारी बैठक जारी छ । पार्टी केन्द्रीय कार्यालय पेरिसडाँडामा बसिरहेको बैठकमा समानुपातिक उम्मेदवारका विषयमा छलफल भइरहेको बताइएको छ ।
आज र भोलि राजनीतिक दलहरूले समानुपातिक निर्वाचन प्रणालीतर्फ उम्मेदवारको बन्दसूची पेस गर्नुपर्ने कार्यतालिका छ । यससँगै ठूला राजनीतिक दलहरु उम्मेदवारको सूची तयार पार्न व्यस्त बनेका छन् ।
नेपाली कांग्रेस पनि आन्तरिक छलफलमा जुटेको बताइएको छ । नेकपा (एमाले)ले पनि आजै उम्मेदवार टुंगो लगाउने तयारीका साथ सचिवालय बैठक बोलाएको छ ।
