काठमाडौं । काठमाडौं महानगरपालिकाले अनुमतिबिना होल्डिङ बोर्ड एवं डिजिटल बोर्ड नराख्न निर्देशन दिएको छ ।
महानगरले बुधबार सार्वजनिक सूचना जारी गरी अनुमतिविना र अनुमति अवधि समाप्त भएका होल्डिङ बोर्ड र डिजिटल बोर्ड हटाउन भनेको हो ।
‘असोज ५ गतेबाट अनुमतिबिना बाह्य विज्ञापन सञ्चालन नगर्न/नगराउन सम्वद्ध सबैलाई सूचित गरिन्छ,’ महानगरले भनेको छ । नियम उल्लंघन गरेर बोर्डमा विज्ञापन सञ्चालन गरेको पाइए नगर प्रहरी बल लगाएर हटाउने चेतावनी पनि दिइएको छ ।
