काठमाडौं । काठमाडौंको हात्तीसार क्षेत्रमा टुकुचा खोला माथिका संरचना भत्काउने महानगरको योजना तत्काललाई स्थगित गरिएको छ । उच्च अदालत पाटनले बुधवार अल्पकालीन अन्तरिम आदेश दिँदै असोज २६ गतेसम्म रोक लगाएको हो।
अदालतले तत्काल टुकुचा क्षेत्रका संरचना नभत्काउन आदेश दिएको जनाइएको छ । न्यायाधीश किरणकुमार पोखरेलको एकल इजलासले बुधबार २१ थान मुद्दाको एकै पटक सुनुवाइ गर्दै असोज २६ गतेसम्म हात्तीसार क्षेत्रका संरचनामा कुनै पनि क्षति नपुर्याउन अल्पकालीन अन्तरिम आदेश दिएको हो ।
