काठमाडौं । काठमाडौंको कपनस्थित एक घरमा आगलागी हुँदा तीनजनाको मृत्यु भएको छ । स्थानीय टंक घिसिङको घरमा आगलागी भएको हो ।
आगलागीमा परेर ३ जनाको मृत्यु भएको जिल्ला प्रहरी परिसर काठमाडौंका एसएसपी भरत बोहराले बताए । मृतकको पहिचान खुलेको छैन । घरको माथिल्लो तलामा रहेका केहीलाई प्रहरीले उद्धार गरेको छ ।
अहिले आगो पूर्ण रूपमा नियन्त्रणमा आइसकेको छ । घटनाको विस्तृत विवरण आइसकेको छैन । उक्त घरमा इलाइट हिमालयन एडभेन्छर प्रालि नामक ट्रेकिङ कम्पनी सञ्चालनमा रहेको थियो ।
