काठमाडौं । निर्वाचन आयोगले निर्वाचन आचारसंहिता असोज ११ गतेदेखि लगाउने तयारी गरेको छ ।
निर्वाचन आयोग स्रोतका अनुसार आचारसंहिता पालनाको प्रतिबद्धता व्यक्त गर्न आइतबार दलहरुलाई हस्ताक्षरका लागि बोलाउने तयारी गरिएको छ । 'निर्वाचन आचारसंहिताका केही बुदाँहरु त लागु गर्न निर्देशन दिइसकेका छौँ । सम्पूर्ण रुपमा ११ गतेदेखि आचारसंहिता लगाउने आयोगको तयारी छ,' स्रोतले भन्यो, 'आचासंहितामा हस्ताक्षरका लागि आइतबार प्रधानमन्त्री, गृहमन्त्री पनि आउने कुरा भएको छ । संसद्मा प्रतिनिधित्व गर्ने दलहरुलाई बोलाउन पत्र पठाउँदैछौँ ।'
