काठमाडौं । नेपाल समाजवादी पार्टी (नेसप)का अध्यक्ष तथा पूर्व प्रधानमन्त्री डा. बाबुराम भट्टराईले पुरानो बाटो हिँडेर नयाँ ठाउँमा नपुग्ने बताएका छन् ।
भट्टराईले सबै नेताहरू चुनावदेखि चुनावसम्म अल्झिएर बस्न नहुने बताएका हुन् । विश्व तथा नेपालको समाजवादी आन्दोलनका अनुभवबाट सिकेर अगाडि बढ्नु पर्नेमा उनको जोड छ । उनले चुनाव नलड्ने आफ्नो मनस्थितिबारे सल्लाह र सुझाव पनि मागेका छन् ।
'हामीले आउट अफ बक्स गएर सोच्ने र गर्ने आँट गर्नैपर्छ,'उनले ट्विट गर्दै भनेका छन्, 'पुरानै बाटो हिँडेर नयाँ ठाउँमा पुगिन्न ।'नेपाल समाजवादी पार्टीका अध्यक्षसमेत रहेका डा. भट्टराई आशन्न निर्वाचनमा प्रत्यक्षतर्फ चुनाव नलड्ने मनस्थितिमा रहेका छन् ।
