काठमाडौं । सल्यानमा शनिबार बिहान जिप दुर्घटना भएको छ । रा.१ज ५९८ नम्बरको जिप दुर्घटना हुँदा दुईजनाको मृत्यु भएको प्रहरीले जनाएको छ ।
सल्यानको खैराबाङ मन्दिरतर्फ दर्शन गर्न जाँदै गरेको जिप शनिबार बिहान पौने ७ बजे कुमाख गाउँपालिका ७, जिमालीमा दुर्घटनामा भएको हो ।
दुर्घटनामा कुमाख गाउँपालिका ७ का ३९ वर्षीय मानबहादुर पुन र १४ वर्षीया यनका पुनको मृत्यु भएको जिल्ला प्रहरी कार्यालय सल्यानले जनाएको छ । चार दिनअघि मात्र सल्यानको मूलपानीमा जिप दुर्घटना हुँदा आठजनाको घटनास्थलमै र एकजनाको उपचारका क्रममा मृत्यु भएको थियो ।
जिपमा चालकसहित १९ यात्रु थिए । घाइते १७ जनालाई उपचारका लागि जिल्ला अस्पताल सल्यानमा लगिएको छ ।
