तेस्रो आँखा
काठमाडौं । मुखेन्जीको दसैँ ललितपुर खोकनाका स्थानीयलाई खासै मतलब छैन । तर, दसैँ अवधिभर घटस्थापनादेखि फूलपातीसम्म खोकनावासी सिकाली जात्रा मनाउँदै आएका छन् । प्रत्येक वर्ष दसैंको साटो ‘सिकाली जात्रा’ मनाउने गर्छन् खोकनावासी ।
हिन्दु धर्मका विभिन्न १४ देवीदेवताको पूजाआजाका साथै परम्परागत नाच तथा संगीत प्रदर्शन गरिन्छ। दसैंको अवधिभर मनाइने यो जात्रामा आफन्त तथा साथीभाइलाई बोलाएर खुवाउने, नाचगान तथा जात्रा देखाउने गरेको स्थानीय बताउँछन् ।
स्वस्थानी कथामा आधारित नाचमा महालक्ष्मीले महिषासुरलाई वध गरेको खुसियालीमा खोकनाका नेवार समुदायले मनाउने सिकाली जात्रामा ४६ देवगणसहित सिकाली चौरमा हुने अश्वमेध यज्ञ र ४६ देवगण, वीरभद्र र महाकाली, भैरव र देवताको खट गाउँ परिक्रमा गराउँदै मनाउने गरेका छन् ।
जात्रा घटस्थापनाबाट सुरु भइ फूलपातीसम्म जारी रहन्छ । आश्विन शुक्ल सप्तमीका दिनमा मनाइने फूलपाती पर्व आज घर–घरमा शास्त्रीय विधिअनुसार शुभसाइतको प्रतीक फूलपाती भित्र्याएर मनाइँदैछ ।
