काठमाडौं । राष्ट्रपतिको कार्यालय तथा निवास शीतल निवासमा पनि हर्षोल्लासपूर्वक दसैँको टीका लगाउने र लगाइदिने कार्यक्रम सम्पन्न भएको छ ।
सुरुमा राष्ट्रपति विद्यादेवी भण्डारीले गुरूहरू देवराज अर्याल र खेमचन्द्र ढकालको हातबाट टीका ग्रहण गरिन्। उनले उत्तम साइत ११:५१ बजे टीका लगाएकी थिइन्।
राष्ट्रपतिको कार्यालयका अनुसार राष्ट्रपतिले व्यवस्थापिका, कार्यपालिका, न्यायपालिकाका प्रमुख, मन्त्रिगण, प्रदेश प्रमुख, न्यायाधीश, सांसद, संवैधानिक निकायका पदाधिकारी एवं विशिष्ट व्यक्तित्वलाई दिउँसो २ बजे देखि ३ बजेसम्म तथा सर्वसाधरणलाई दिउँसो ३ बजेदेखि साँझ ५ बजेसम्म टीका लगाइएकी थिइन्।
