काठमाडौं । राप्ती नदीमा बाढीले खतरा सतह पार गरेको छ । जिल्ला प्रशासन कार्यालय बाँकेले बुधबार बिहानदेखि परेको अविरल वर्षाका कारण राप्तीमा बाढीले खतराको सतह पार गरेको जनाएको छ।
अहिले पनि नदीमा पानीको सतह बढ्दै गएकोले राप्तीसोनारी गाउँपालिका वडा नं. ४, ५, ६ र ७ तथा डुडुवा गाउँपालिका वडा नं। १, २, ४ र ५ का गाउँ डुवानमा पर्ने खतरा बढेको भन्दै प्रशासनले सजगता अपनाउन आग्रह गरेको छ।
राप्ती नदीमा पानीको सतह ६.४५ मिटर पुगेको छ । उक्त नदीमा पानीको सतह ५.४० मिटर पुगे खतरा मानिन्छ।
