तेस्रो आँखा
काठमाडौं । निर्वाचन आयोगले पद, पैसा र पहुँचबाट निर्वाचन प्रभावित हुन नहुने जनाएको छ ।
विजयादशमीका अवसरमा आयोगले जारी गरेको सन्देशमा पैसा र पहुँचबाट निर्वाचन प्रभावित नहुने मान्यता स्थापित गर्नुपर्नेमा जोड दिइएको हो । निर्वाचन निष्ठा, विचार र सिद्धान्तबाट निर्देशित हुनुपर्ने आयोगले जनाएको छ ।
“निर्वाचन पद, पैसा र पहुँचले प्रभावित हुनु हुँदैन,” आयोगको सन्देशमा उल्लेख छ, “निष्ठा, विचार र सिद्धान्तबाट निर्देशित हुनुपर्छ भन्ने मान्यता स्थापित गरौँ ।” आउँदो मंसिर ४ गते प्रतिनिधिसभा र प्रदेशसभा सदस्य निर्वाचन हुँदै छ ।
