तेस्रो आँखा
काठमाडौं । नेकपा एमाले र जनता समाजवादी पार्टी जसपाबीच चुनावी तालमेल हुने भएको छ । आगामी मंसिर ४ गते हुने संघप्रदेशको चुनावमा जसपा र एमालेबीच १४ जिल्लामा तालमेल हुने भएको हो ।
मधेस प्रदेशका ८ जिल्ला, प्रदेश १ को मोरङ र सुनसरी तथा लुम्बिनी प्रदेशको नवलपरासी पश्चिम, रुपन्देही र कपिलवस्तु तथा सुदूरपश्चिमको कैलालीमा आगामी चुनावमा सहकार्य हुने भएको हो । नेकपा एमाले अध्यक्ष केपी शर्मा ओली र जसपा अध्यक्ष उपेन्द्र यादवले सहकार्य पत्रमा हस्ताक्षर गरेका छन् ।
जसअनुसार, सहमति भएका जिल्लमा प्रतिनिधिसभाका ३५ सिट एमालेले लिनेछ भने १७ सिट जसपाले लिने भएको हो । प्रदेशसभातर्फ एमालेले ७० सिट पाउने छ भने जसपाले ४२ सिट लिने जनाएको छ ।
