तेस्रो आँखा
काठमाडौं–४ बाट प्रतिनिधिसभा सदस्यमा उम्मेद्वारी दिएका कांग्रेस महामन्त्री गगन थापा : फाइल फोटो
काठमाडौं । मंसिर ४ गते हुने प्रतिनिधिसभा निर्वाचनका लागि काठमाडौं जिल्लाको दश निर्वाचन क्षेत्रमा विभिन्न दल र स्वतन्त्र गरेर २६५ जनाले उम्मेद्वारी दिएका छन् । निर्वाचन आयोगका अनुसार उम्मेद्वारी दिनेमा २२६ जना पुरुष र ३९ जना महिला रहेका छन् ।
काठमाडौं १ मा २२ जना पुरुष र १० जना महिलाकाे उम्मेद्वारी परेको छ । काठमाडौं २ मा २६ जना पुरुष र ५ जना महिला, काठमाडौं ३ मा २१ जना पुरुष र ३ जना महिला, काठमाडौं ४ मा ३३ जना पुरुष र २ जना महिला, काठमाडौं ५ मा २६ जना पुरुष र ४ जना महिला, काठमाडौं ६ मा २३ जना पुरुष र १ जना महिला उम्मेद्वार चुनावी मैदानमा उत्रिएका छन् ।
निर्वाचन आयोगका अनुसार, काठमाडौं क्षेत्र नं.७ मा २४ जना पुरुष र ५ जना महिलाकाे उम्मेद्वारी परेकाे छ भने काठमाडौं क्षेत्र नं.८ मा १७ जना पुरुष र २ जना महिलाले गरेर १९ जनाको उम्मेदवारी परेको छ ।
यसैगरी काठमाडौं क्षेत्र नं.९ मा १७ जना पुरुष र ५ जना महिला गरी २२ जनाको उम्मेदवारी परेको आयोगले जनाएको छ । काठमाडौं क्षेत्र नं.१० मा १७ जना पुरुष र २ जना महिला गरी कुल १९ जनाको उम्मेदवारी परेको छ ।
