जलवायु परिवर्तनको विषयलाई राष्ट्रहरूले पुनः प्राथमिकता नदिए विश्वले विपत्तिको सामना गर्नुपर्ने संयुक्त राष्ट्र सङ्घले चेतावनी दिएको छ । सङ्घका महासचिव एन्टोनियो गुटेर्रेसले इजिप्टमा आयोजना हुने कोप २७ मा सहभागी राष्ट्रहरु यो विषयमा गम्भीर बन्नुपर्ने बताउनुभयो । राष्ट्रसंघ प्रमुखगुटेर्रेसले जलवायु परिवर्तनको असरबाट बच्नका लागि विश्वको तापक्रम वृद्धि १.५ डिग्री सेल्सियसमा राख्नेलगायतका प्रमुख लक्ष्यहरू बिर्सन नहुने बताउनुभयो । बेलायतका राजा चार्ल्स तृतीय र नयाँ प्रधानमन्त्री ऋषि सुनक दुवै कोप २७ मा सहभागि भएको हेर्न चाहेको समेत उहाँको भनाइ छ ।
