काठमाडौँ, कात्तिक ११ । नेपाली कांग्रेसका महामन्त्री गगन थापालाई निर्वाचन आयोगले फेरी स्पष्टिकरण सोधेको छ । सामाजिक सञ्जालमा लेखेको बिषयलाई लिएर पहिलो पटक स्पष्टिकरण सोधेको आयोगले थापालाई पुनः स्पष्टिकरण सोधेको हो । थापा काठमाडौँ ४ का प्रतिनिधिसभा सदस्य उम्मेदवार हुन् ।
थापाले गत हप्ता ‘डेंगी परीक्षण तथा परामर्श सेवा निशुल्क रुपमा लिएर तपाईको टोलमा आउँदैछौँ’ भनेर सामााजिक सञ्जालमा लेखेपछि आयोगले उनलाई पहिलो पटक स्पष्टिकरण सोधेको थियो । तर थापाले यस्ता गल्ती बारम्बार गर्छु भन्दै अभिव्यक्ति दिएपछि आयोगले फेरी उनिसंग स्पष्टिकरण सोधेको आयोग स्रोतले जानकारी दिएको छ ।
