काठमाडौं १७ साउन/ काठमाडौँको न्यूरोडमा एकजना व्यापारीले ८ तला माथिबाट हामफालेका छन् । आफ्नै घरको आठौं तलाबाट हामफालेका ५५ वर्षीय संजय गुप्ताको मृत्यु भएको छ ।
काठमाडौँ महानगरपालिका वडा नम्बर–२५ मासागल्लीस्थित घरको छतबाट हामफालेका उनलाई उपचार गर्न तत्काल लगिए पनि बाटैमा मृत्यु भएको हो ।
वीर अस्पतालका चिकित्सकहरुले उनलाई मृत घोषणा गरे। मंगलबार दिउँसो १ बजेर ३० मिनेटमा उनले हामफालेका हुन् । घटनाबारे प्रहरी वृत्त जनसेवाले थप अनुसन्धान गरिरहेको काठमाडौं परिसरले जनाएको छ ।
