प्रमोद आचार्य ,दाङ २४ साउन/ दंगीशरण गाउँपालिकाले आफ्नो पालिकाभित्र रहेका दिर्घ रोगिहरुलार्इ निशुल्क औषधि वितरण गरेकोछ । बुधबार एक कार्यक्रमका बिच गाउँपालिका अध्यक्ष शम्भु गिरीले नियमित औषधि सेवन गरीरहनु पर्ने बिरामीहरुका लागी निशुल्क औषधि वितरण गरेका हुन् ।
गाउँपालिकाले यसअघि औषधि खरीदका लागी कोटेसन दिइदै आएको प्रणालिलाइ अन्त्य गर्दै इभिडिङ प्रणालिमा औषधि खरीद प्रणालिको शुरुवात गरे संगै बचेको रकमबाट दिर्घ रोगिहरुलार्इ निशुल्क औषधि वितरण गरीएको हो ।
अब निरन्तर रुपमा गाउँपालिकाभित्र बसोबास गर्ने जस्ले नियमित औषधि सेवन गरीरहेका छन त्यस्ता नागरीकहरुका लागी आर्थिक रुपमा केहि राहात हवस भन्ने उदेस्यले आफुहरुले दिर्घ रोगिहरुलाइ निशुल्क औषधि बितरण गर्ने लक्ष्य अनुरुप अगाडी बढेको पालिका अध्यक्ष गिरीले बताए ।
पालिकाले यस अगाडी सुचना जारी गर्दै आफ्नो गाउँपालिकाभित्र बसोबास गर्ने नागरिकहरुका लागी आफुहरुले सेवन गर्ने औषधिको माग आवेदन तथा टिपोट गरेका औषधिहरु खरीद गरी आज बितरण गरीएको जानकारी गराए । पछिल्लो समय धेरै जसो नागरिकहरुमा देखीने दिर्घरोगहरु जस्तै प्रेसर , सुगर, थाइराइड, मानसिक रोग, दम जस्ता रोगरुको लागी टिपोट गरीएका औषधिहरु मागको आधारमा बितरण गरीएको थियो ।
औषधि बितरण कार्यक्रममा बोल्दै पालिका अध्यक्ष शम्भु गिरीले आफुहरु निर्वाचित भएर आइसकेपछि जनताले कर तिरेर आएको बजेटको सदुपयोग गर्न र गाउँपालिकामा हुने फजुल खर्च कटौती गर्दै मितब्ययीताको जग बसाल्न लागीपरेको बताउनुभयो ।भौतीकपुर्वाधार सङ्गै मानविय बिकाशलाइ विशेष प्राथमिकतामा राखि आफुहरु अगाडी बढेको बताउने गिरीले आफुहरु बिसुद्द जनताको सेवाका लागी चुनाब जितेर आएकाले सदैब जनताको सेवामा लागीरहने बताउनुभयो ।स्वास्थ्य साखा दंगीशरणका प्रमुख राजेन्द्र हमालको स्वागत मन्तब्यबाट शुरुभएको कार्यक्रमको सहजीकरण जनस्वास्थ्य निरीक्षक प्रदिप योगीले गर्नुभएकोथियो ।
