तुलसीपुर २८ मंसिर/ तुलसीपुरका एक बालक बुधबार बिहानदेखि सम्पर्क बिहीन भएका छन् । त्रिदेव बोर्डिङ स्कुल कक्षा ८ मा अध्ययनरत तुलसीपुर उपमहानगरपालिका – ५ रानीजरुवा निवासी मोहबिर वली र सिता वलीका १३ बर्षीय छोरा युवराज वली बुधबार बिहानदेखि सम्पर्क विहिन भएका हुन् । बुधबार बिहान साढे ५ बजेको समयमा ट्युसन पढ्न भनि घरबाट गएका उनी ट्युसन पनि नगएको बुझिएको आमा सिताले जानकारी दिइन् ।
सधै छोरा छोरी संगै ट्युसन जान्थे हिजो नानी अलि चाडै नै गई हाली बाबु अलि ढिला गएको हो त्यसपछि कता गएको भनी अहिलेसम्म केही पत्ता लागेको छैन आमा सिताले भनिन् । अबेरसम्म छोरा घर नआएपछि सबैतिर खोजतलास गर्दै अहिलेसम्म कहिकतै छोरा फेला नपरेको सिताले बताईन् । छोरा युवराजले घरमा रहेको १४/१५ हजार रुपैंया पनि लगेको आमा सीताले जानकारी दिइन ।
छोरा सम्पर्क बिहिन भएपछि अभिभावकले खोजी गरिदिन आग्रहका साथ इलाका प्रहरी कर्यालयको महिला सेलमा निबेदन दिएका छन् । युवराजका बुवा मोहविर बिहीबार बिहानै खोजीका लागि भनेर काठमाडौं तर्फ लागेको आमा सीताले बताइन । छोरा युवराजलाई कतैदेखि नजिकको प्रहरीमा खवर गरिदिन वा आफ्नो मोवाइल नम्बर ९८२२९६७६२६ मा फोन गरि सहयोग गर्न आमा सीताले आग्रह गरेकी छिन ।
