काठमाडौं। सरकारले नेपाली सेनाका दुई जना सहायक रथीलाई उपरथीमा बढुवा गरेको छ।
बिहीबार बसेको मन्त्रिपरिषद्को बैठकले सहायक रथी पवन घिमिरे र चोकबहादुर ढकाललाई उपरथीमा बढुवा गर्ने निर्णय गरेको हो।
उपरथीमा बढुवा सिफारिस भएका घिमिरे नेपाली सैनिक वार कलेज, नगरकोटमा र ढकाल लेबनानमा संयुक्त राष्ट्रसंघको शान्ति मिसनमा कार्यरत छन्।
यस्तै सरकारले ९ जना महासेनानीलाई सहायक रथीमा बढुवा गरेको छ। पुराण घले, राजेन्द्र श्रेष्ठ, नारायण थापा, रामचन्द्र थापा, कमल बानियाँ, राजाराम बस्नेत, रोज राणा, सञ्जय देउजालगायत सहायक रथीमा बढुवा भएकाहुन् ।
