काठमाडौंँ । अभिनेत्री पूजा चन्द अभिनयमा फर्किने भएकी छिन् । करिब २० वर्षपछि उनी अभिनयमा फर्किन लागेकी हसन् । उनलाई अभिनयमा फर्काउने काम निर्देशक निर्देशक विनोद पौडेलले गरेका हुन् । पौडेलले निर्देशन गरिरहेको हाल अमेरिकामा छायांकनरत फिल्म ‘भूठान’ (द वल्र्डस् ह्याप्पिएस्ट म्यान)मा उनको अभिनय रहनेछ ।
एक समयकी चर्चित नायिका पूजा विगत १९ वर्षदेखि अमेरिकामा छिन् । अमेरिका पलायनभएपछि उनको फिल्मसँग दुरी बढेको थियो । पछिल्लो पटक उनी सन् २००४ मा आएको फिल्म ‘मनको टुक्रा’मा देखिएकी थिइन् । फिल्मको छायांकन र वर्कसप अमेरिकामा एकसाथ चलिरहेको छ । पूजा भने केही दिनपछि फिल्म छायांकनमा जुट्नेछिन् । पहिलोपटक फिल्म वर्कसपको अनुभव लिएकी पूजाले वर्कसपमा नयाँ अनुभव गर्न मिलेको बताएकी छन् ।
‘अब म निरन्तर फिल्म गर्नेछु । अरु एक÷दुईवटा फिल्ममा कुरा पनि भैरहेको छ । जुलाईमा म नेपाल जाँदैछु । स्क्रिप्ट र रोल राम्रो भयो भने नेपाल बसाईंको क्रममा फिल्म गर्नेछु,’ उनले भनेकी छन् । मिलेसम्म अब अभिनयलाई निरन्तरता दिने सोच उनको छ ।
