धनगढी, कात्तिक ११ ।
एकीकृत नेकपा समाजबादीका अध्यक्ष माधबकुमार नेपालले प्रधानन्यायाधिस चोलेन्द्र शमशेर जबरालाई महाअभियोग लगाउने बारे कुनै छलफल नभएको बताएका छन् । धनगढी बिमानस्थलमा पत्रकारहरुसंग कुराकानी गर्दै नेपालले महाअभियोग लगाउने बारे कुनै छलफल नभएको बताए । ‘महाअभियोग लगाउने बारेमा कुनै छलफल भएको छैन,’ नेपालले भने ‘५ दलीय गठबन्धनको बैठक बसेको पनि छैन ।’ तर उनले न्यायपालिका माथि हस्तक्षेप गर्न नहुने पनि बताए । प्रधानन्यायाधीसको राजीनामाको प्रसंग उठिरहेका बेला उनले यसलाई न्यापालिका माथिको हस्तक्षेपको प्रयास भएको बताए । ‘हामीहरुले न्यायपालिका माथि हस्तक्षेप गर्नु हुँदैन,’ उनले भने ‘अहिले प्रधानन्यायाधीसलाई हटाउने कुरा आएको , यो अत्यन्तै नाजायज कुरा हो ।’
