सुन्दा अचम्म लाग्ने एउटा यस्तो घटनाले एक नगर प्रमुख हिन्दु परम्परालाई आर्दश मानेर आफ्नो कुकुर मर्दा काजकिरीया गरेर सबैलाई अचम्मित पारेका छन् ।
सप्तरीको कंचनरुप नगरपालिकाका मेयर ललन प्रसाद गुप्ताले आप्mनो घरमा पालेको कुकुर मरेपछि शोकमा परेका उनले मानिस मर्दा जस्तै गरिने विधी र हिन्दु रितीरिवाज अनुसार अन्त्येष्टी गरेर कुकुरप्रति श्रद्धाञ्जली ब्यक्त गरेका छन् ।
गुप्ता परिवारले ७ वर्षदेखि घरमा सन्तान झै पालन पोषण गरी हुर्काएको स्विटी (डाँगो) र क्विटी (छाउडी) मध्ये क्विटी अकस्मात शनिवार विरामी परे । मेयर गुप्ताले करिब १५ हजार रुपैया खर्चेर कुकुरको स्थानीय पशु स्वास्थ्य उपचार केन्द्रमा उपचार पनि गराए । तर, उपचार कै क्रममा आइतबार उसको मृत्यु भयो ।
कुकुर मरेपछि आईतवार नै मेयर गुप्ताले कोशी किनारमा लगेर हिन्दु रितीरिवाज अनुसार कुकुरको शवको अन्त्येष्टी गरेका छन् । आफ्नो श्रीमती, छोरा र छोरी जस्तै माया गर्ने कुकुर मरेपछि शोकमा ३ दिन घरमा खाना पनि नपाक्ने उनले बताए ।
घरका सदस्य जस्तै नजिक ठान्ने कुकुर मरेपछि घरका सबै सदस्य दृुःखित भएपनि एउटा जनावरको मानव झै मृत्यु संस्कार गर्न पाउँदा भने आत्मसंतुष्टि मिलेको र जनावारलाई पनि सबैले मानव झै माया र व्यवहार गर्नू पर्छ भन्ने संदेश समेत दिन चाहेको गुप्ता परिवारको भनाई छ ।
